Diri Ambo (Bakit asal 1)

Nak bakit asal ambo nok royak titih,
Adik kakok kalu nok kenal male ni gak nyo bulih,
Diri ambo begelar Halim bin Yazid bin Awang Teh,
Asal di Kapung Cangal dale jajahan Pasir Puteh,

25 Oktober tahun 60,
Ambo lahir ke-dunia di serambi gelegar buluh,
Tinggal kandungan bonda dinihari awal suboh,
Ambo celik mato tengok alam ni lawa sunggoh..

Ambo pon besar denge penuh kasih saye,
Dale sebuoh basal bediri atah tanoh ore,
Ayoh slalu tinggal gi pagi kelik male,
Kijo cari samah seriya nok bui ambo make..

Umor 7 tahun ambo pon ngaji skoloh,
Anok murid 3 butir kapung pakat duduk satu darjah,
Cikgu-cikgu sanjung kato hati ambo ceroh,
Tolok kali bahagi capur ambo congok jawak mudoh..

Naik tingkatan Sekoloh Menengah Tok Janggut,
Malu tu gak kokre baju carik seluar buruk,
Keno bayar yuran tambe bas denga beli book,
Ayah pakso jual aye hok dio saye dale pereguk...

Prekso SPM ambo bulih gred 1,
Naik tingkate 6 keno pindoh ke sekoloh baru,
Di Sekoloh Menengah Kamil hati ambo bertamboh sayu,
Sain skelah ore sene-sene nok masuk dekat ambo raso malu...

Bose ko drebar bas duk mitok pitih hari-hari,
Doh tambe bule lepah nga bule ni tok bayar lagi,
Buke kato ambo ni hagah tapi malu nga diri sdiri,
Ambo lopak turun bas galas beg bejale kaki,

Dari Kapung Cangal ke Sekoloh Menengoh Kamil,
Sikit jale banyok berungga nga air mato beline line,
Hari-hari lapa jare bena hari kenye,
Pitih poket seminggu seriya pade wak beli baik ambo sipe...

Hari sekoloh umum keputuse STP,
Sain-sain mari kerumung duk pakat cuit duk pakat puji,
Ble-ble senyum ambo tanyo bakpo gak nih,
Sain kato hebat nyo mung keputuse mung tinggi skali...

Puwah ayoh mikir nok cari seribu riya,
Doh ambo keno panggil masuk ngaji d U Malaya,
Korek abih tukil bawah tuku celoh bata,
Jale ye terakhir tanoh sebucu tu ayoh jual...

Ambo tinggal kapung denge bline air mato,
Sapa Kuala Lupor takdok worih sdaro maro,
Denga baju selai sepunggung daftar U tahun pertama,
India cino pakat likung kato budok darak ni mari mano...

Ambo masuk U ayoh pindoh ke Guo Muse,
Ambo mengadak buku ayoh meneebah tanoh hute,
Sedih becapur sayu tringat ko ayoh ambo sore,
Loni ambo gaji beribu nok balah jaso ayoh tok pade...